جَغی دریا

  قه  رول  مونی  قرقه  سینه  ره قد دوم چیم خو

  چل پیسکی مونی دیل مه ره قد ناز و خیشیم خو

  توغ    کو که پیشیمو  نه  شنی  او  گول لالگ

  قد  خون  دیلیم  رنگ   کنو   چوغ   گلیم   خو

  ده  غیت  شفق  واده    بودگ   واده    خیلافي

  ره یی  کو  امو  ماخ  شوه  دیستی   نسیم  خو

  تاریف  مونی  از  خود  خو  که  تو کان وفایی

  اخته  کدی  ده   غم  مه  ره  قد  اقل  سلیم خو

  گیله مونوم از خود خو نه  از تو که موسوزوم

  بورو کیده دوم پای خو ره از گوش جه جیم خو

        او دوختر آزیرگی

  آشیق  شودوم  آشیق  تو او  دوختری    آزیرگی

  مَزگی   شوده  از  توریت  شیعر  تری    آزیرگی

  بی چاره  شوده  دیل  مه  افتیده   سری     رایت

  آیسته    قدم     بیلو    او   دیلبری      آزیرگی

                        نوربند  شوده  ای نوربند  ما پیکری  آزیرگی

  جَل جَل مونه از اورسی اوسکت تو گَلَگ پوشه

  پیکی  تو  چو  ابریشم  لَخشوم  ده  بَلی گوشه

  بِیه  تو  موگیم  ار رنگ  کالا  ره مونه نوربند

  میشیه ده تنیت واه واه اِی یک سوخنی روشه

                     دامون   خَمگ   دوزی   قد   چادری   آزیرگی

  کوشیشی و آزاده. خوش خوی و سبق  خانی

  آینده  خو  از  ارکس  بیهتر تو  خودیت دانی 

  شاوای وطن از تو رُوشو موشه میثلی صوب

  اُولگوی  وفا  و  میهر   سازینده ی  دورانی

                       تو  کوی  غُورور  استی  قد  باوری   آزیرگی

  آمدی  خوش    آمدی   بیسم    چیکه   بانه    مونی

  توغ  مونی   با  صد  نیزاکت   مو  ره  دیوانه  مونی

  چیم خو ره سورمه  کیده قاشای خو خنجر جور مونی

  گیرد   شمع  روی  خو  اردم  مو  ره  پروانه   مونی

  چادر    ارگندی    ره    ده   صد     رقم  ناز  و   ادا

  گای   ده   تولغه   سر   گای    به لی   شانه  مونی

  یک دفه   مو   ره   ده  به لی  قوغ  غم  جیرمل کده

  یک  دفه   ده یک  نیگا  ده  بند  دیل   خانه   مونی

   اولین دفه ای ره حمید گلستانی آهنگ ساخت و خواند بعد ام ضیا ساحل

  نیمه  خَو  نیمه  بیدار  تشکی  تشکی

  ره  یی  یوم  پای دیوار تشکی تشکی

  مه  ره  جو   جو  مونه  بیگا  و صبا

  غم  و اندوی  دیلدار  تشکی   تشکی

  نه  موفاموم  چی وضیت کرده بودی

  گولا  ره  پگ  خجالت  کرده   بودی

  به لی  مردوم  قیامت   کرده   بودی

  موگوفتن  بین  بازار  تشکی تشکی

  چیکه ای دیل بیسه رنگ یت کشاله

  ده  سر  تو  صد  رقم فیکر و خیاله

  نه گی   پیشلو   که   انگام   زواله

  مه  یه  بازم  خریدار تشکی تشکی

  مه  اومیدواروم  از چیم سیای شی

  مزه میدیه خوداوراستی  جفای شی

  دیلیم گود گود مونه دایم برای شی

  موشه روزی نومودار تشکی تشکی

  نصیب تو گر نه  شود دیدون دیده

  چیمای شی آو پور و گردو خمیده

  رقم  رقم  گولیت  گول چیده چیده

  میه  ده  سر  مازار تشکی تشکی

  باشه  امیشه  ایشقیم   پوشت و  پنای    دیده

  پور  باشه  از  موحبت   بیگا  صبای    دیده

  پور  باشه  از  موحبت   بیگا  صبای    دیده

  سودای  دیل مو ار دو خوبه که سر  گیریفته

  خوشبختی  و  موحبت  موره ده بر  گیریفته

  موسخندی نه گول سورخ از توره های  دیده

  پور  باشه  از  موحبت  بیگا  صبای    دیده

  ماکم  کیده  ده  دیل  مه  الی  وطن موبارک

  سوزی یه غرق خوشی جوش چمن موبارک

  سوغاتی  دیل  خو  میلوم  ده پیش پای دیده

  پور  باشه   از موحبت  بیگا   صبای  دیده

  گوفته  که شو میایوم شاوا می شیم سر را

  با  شوق  و  با  موحبت  قد  صد رقم تمنا

  صد  توبه  توبه  توبه  از  واده های  دیده

  پور  باشه  از  موحبت  بیگا  صبای دیده

  گا   توشکیری از  دور  گه  صولح  گایی  ناز

  عاشیق  شی  صدقه  شی

  پــــــــاتو    شوده   طناز

  پــــــــاتو    شوده   طناز

  مو نه   صد  رقم   ایجاز

  آلی   جوان   گشته   شـــــــیدا   مونه  مو ره

  نخره   کـــــــیده   میه   غوغا    مونه  موره

  مالوم   بودگ  در    مه

  ظالیم   بود   از    آغاز

  آشیق   شی صدقه شی

  پاتو   شوده       طناز

  پاتو  شوده        طناز

  مونه   صد  رقم  ایجاز

  قوربان    تورای   شی     لبای      نوربنده

  قد  موی  لخشوم  شی  آشیق  شی  ده  بنده

  او  ره  به لی     شانه

  پرک   پرک   کد    باز

  آشیق  شی  صدقه شی

  پاتو   شوده      طناز

  پاتو   شوده      طناز

  مونه  صد  رقم  ایجاز

  صد دیل ره یک دیل نوم موروم ده پالوی شی

  توره  موگیم  ار  شو  قد  چیم  جادوی   شی

  خنده   مونوم  قد    خو

  رقصو  موشوم بی ساز

  آشیق  شی  صدقه شی

  پاتو   شوده       طناز

  پاتو   شوده       طناز

  مونه  صد  رقم  ایجاز

              گول سیو

گاج     رنگه  ده  سر  داری  گول  سیو

کوجا    میل     چکر   داری  گول  سیو

چیکه   پورسان    مونی   آل  دیلیم  ره

تو   که  از  دیل   خبر داری  گول  سیو

چیمای   تو    قاتیل     قلب    پیریشیم

ده  صد  نخره   موری   تیلو  ز  پیشیم

مونی   غارت   تمام    اقل   و   کیشیم

 بیسه    ازم    سفر   داری  گول  سیو

ده را  گشتون   خو  نوربندی  موکونی

دیل   آشیق   مه   ره  بندی   موکونی

تای  لاته   خو   موسخندی    موکونی

مه  ره  کی  در  نظر  داری  گول  سیو

لــــلی  لــــلی لــــلی لـــلـــی لـــــلی لی

بیدی  از  جام  چیم  خو یک چقک می

نکو  ماخای  خو  سر  مه نخد دیل بی

اجب  باریک   کمر  داری   گول  سیو

بیشی پالوی مه  قد  مه  راز  دیل  کو

دیرخت  کوتوه شاخای شی   کیل  کو

ایلاج   قلـــــــــب  ناجور   سبیل  کو

نیشانی   از  سحر  داری  گول  سیو

جَغی   دریا   بیه   دریا   دیل   مه

که   بی   اَو   نَشنه  دریای دیل مه

شونه صدقه امو چیم   چوقوش یت 

کولی  بود   و   نبود  و  آصیل مه

امیشه   بی  خطر  باشی  هُما جان

مه  ره  تو تاج سر باشی هُما جان

دیلیم  زخمی  کیدی  قد تیر قاشیت

اگه  موردوم  خبر  باشی هُما جان

تو گول پیرو ره تاج سر خو سازوم

جگه پایای تو ره بیستر خو سازوم

امو غیتی که  پوشت اَو  شنی  بور

غدر خوشمد کیده دیلبر خو سازوم

            گول لالگ

ايلمگ  کيده موری لب  دریا  گول  لالگ

دريا ره  مونی  پو ر گول سارا  گول لالگ

چمبر موشه مانند خيابون خياليم

میچيد مه يه تيلو ده تماشا گول لالگ

اوطور شودی ماشور موحبت که موفاموم

مردوم نه مونه قيصه ی ليلا گول لالگ

اوماغبيله از شخچه ی سنجيد بیچينی گول

خنديده بوری مست و اواخا گول لالگ

بوگی که مه از تو و تو از مه شودی ايمروز

دیگه نه کنی ماطل فردا گول لالگ

از غزنی سنايی کنه موسخيندی ده سون مو

از نو کنه غزنی ره تمنا گول لالگ

بيلی که کنه زمزمه قد شعر چيمايت

کابل و هری بلخ و بخارا گول لالگ

       .